Willkommen im Restaurant "Burger's Bohrerhof"
Mir, das sin d'Bohrerhöfler us Allschwil
D'Smilja, unseri nätti, fröhlichi Buffetdame, wo immer konzentriert alli Getränk parat macht am Buffet und au sehr gärn zu de Gescht an Tisch goht, um Getränk oder Ässe z'serviere. Äs het no e Lächle, wenn's no so schtürmt und alles drunter und drüber goht. Und das immer rassig mit em e charmante Ufträte. So wie das muess si. Und au unsere junge Maa im Service: dr Adrien. Er isch dr jüngschti in unserem Team, immer fründlich und flink duet Er alli Wünsch vo de Gescht im Service erfülle. Und natürlich au unseri Nichte; d' Vanessa, wo immer wieder chunnt cho hälfe im Service, wenn mir schträng hei; so wie au die Liebi Inês und die Liebi Delphine, wo mir Beidne jederzyt chönne alüte, wenn es nötig isch. Und natürlich d'Chuchi mit dr Milena, wo d'Tocher isch vo unserer unvergässliche Stana. Sie macht d'Salat, d'Vorspiese und d'Desserts immer mit viel Begeischterig und Sie hett immer alles im Griff zämme mit dr D'Marie-Madeleine und D'Mara,
wo Beidi mit viel Flair und Erfahrig rassig die schönschte Röschti, die chnuschprigschte Pommes frites und au alli andere Bielage zuebereite und perfekt uf e Täller arichte. Und die Gescht, wo jetzt no dr Abwäscher oder d’Abwäscherin vermisse, sig gseit, dass das die drei Chuchi Fraue mit em Chef zämme au no sälber mache. Die drei Fraue luege und sorge au immer derfür, dass dr Chef au bi gröschtem Adrang nie d'Närve verliert. Denn hänn mir au no unseri Angélique, wo zuschtändig isch, dass alles immer und überall suber und gepflegt usgseht. Und wenn's nötig isch, denn hilft Es au im Service oder in dr Chuchi us. Und am Schluss no mi Frau, D'Katia und ich sälber, dr Markus! Zämme wänn mir mit unserem sehr gschetzte und Liebe Team, Sie, liebi Gescht, täglich zfriede schtelle, dass Sie au immer wieder gärn zu uns chömme!
Liebi Griess und bis bald bi uns im Bohrerhof.
Aktuelles
Öffnungszeiten
Donnerstag bis Samstag:
11:45 bis 14:30 und 17:00 bis 23:30
Sonntag:
11:45 bis 23:30
(durchgehend warme Küche bis 21:00)
Montag und Dienstag und Mittwoch:
Ruhetag
Rollstuhlgängig
Bi uns chönne Sie mit em Rollator oder mit em Rollschtuhl ohni fremdi Hilf ins Restaurant ihne cho. Mir hei e grossi Rampe, wo das möglich macht. Und uf's WC chönne Sie au ohni Problem.
