Meh seit jo D’Liebi goht dure Mage
April 1, 2021Liebi Gescht und liebi Fründe vom Bohrerhof,
Mir freue nis! S’isch Wildsaison! Scho zum 16. Mol bi uns im Bohrerhof!
Wie immer hämmer s’Beschte vom junge Rehli……. Rehmedaillons vom Nüssli und vom Bäggli, Rehgschnätzlts und Rehpfäffer Derzue gits Spätzli, Rotchrutt mit Maroni, Poschierti Bire, Zwätschge und Trübeli Wildrahmsauce mit fünf verschiedene Pilz, Preiselbeeri………und und und…. Mir möche au Rehrugge. Obwohl mir ä chleini Chuchi hei, wei mir dr Rehrugge schön chönne präsentiere uf dr grosse Platte und denn in zwei Mol serviere. Dass das möglich isch, sötte Sie dr Rehrugge wenigschtens ei Daag vorhär bschtelle und immer für mimimum vier Persone. Denn hei Sie nämlig immer ä ganze Rehrugge. Das isch denn au sehr schön zum aluege. Denn bekanntlich isst s’Aug mit. Natürlich gits au schöni Vorschpiese, Chürbissuppe, Vermicelles, Früschi Wähe und mehr. Die ganzi Wildcharte chönne Sie jederzyt aluege uf unserer Homepage.
www.bohrerhof.ch
Liebi Griess und viellicht bis bald bi uns im Bohrerhof, dört wo me sich wohlfühlt und dört, wo’s eim gfallt! „D’Bohrerhöfler“ us Allschwil
Markus und Katia Burger-Vénuat mit em Sohn Maxime und unser Team Restaurant „Burger’s Bohrerhof“ in Allschwil (Ecke Merkurstrasse/Im Langen Loh) Tel. 061 301 99 90
Menu’s als Download
